O MITECO abre esta consulta pública que tratará de recopilar as opinións e recomendacións de todos os axentes relacionados, sobre un documento normativo central do noso exercicio profesional como é o RITE.

Esta modificación busca un enfoque integral que aúne a meta enerxética co confort, hixiene, seguridade e resiliencia ante o cambio climático dos edificios e as súas instalacións, establecendo as esixencias e obrigacións introducidas na Directiva 2024/1275:

• Requisitos para facilitar a instalación de calefacción de baixa temperatura, segundo o artigo 5 (apartado 1).
• Enerxía solar nos edificios, segundo o artigo 10 (apartados 1, 3 e 4).
• Instalacións técnicas dos edificios, dacordo co disposto no artigo 13 (apartados 1, 2, 3, 4, 6, 7, 9, 10 e 11).
• Intercambio de datos e bases de datos, dacordo cos artigos 16 (apartado 1) e 22 (apartado 1), respectivamente.
• Inspeccións e informes de inspección, conforme aos artigos 23 (apartado 1, 2, 3, 4, 5, 6, 7 e 8) e 24
• Expertos independentes e o sistema de control independiente para inspeccións, en cumprimento dos artigos 25 e 27
• Mecanismos de control e sancións, en cumprimento do artigo 34
• Da mesma forma, proponse introducir as seguintes obrigacións derivadas da Directiva 2023/2413 con relación a:
• Integración da enerxía renovable nos edificios, en base ao indicado no artigo 15 bis (apartado 3).
• Sistemas de certificación ou de cualificación para instaladores e deseñadores de todo tipo de sistemas renovables de calefacción e refrixeración en edificios, segundo o  artigo 18 (apartados 3 e 4).

Tamén valórase ampliar o ámbito de aplicación chegando a abarcar tanto instalacións novas e renovadas, como existentes.

Como obxectivos básicos márcanse os seguintes:

• Ampliar e facilitar o seu ámbito de aplicación, e no seu caso, introducir requisitos asociados a instalacións existentes.
• Revisar os valores mínimos de eficiencia enerxética dos sistemas de calefacción, refrixeración, ventilación e auga quente sanitaria, así como revisar as esixencias relativas a calidade ambiental interior.
• Incorporar os requisitos asociados o uso de enerxías renovables, e promover o almacenamento enerxético, o aproveitamento de enerxías residuais, o uso de sistemas de calefacción de baixa temperatura e as tecnoloxías mais eficientes.
• Incorporar as novas obrigacións asociadas o sistema de inspeccións e expertos independientes e revisar o esquema actual co fin de mellorar o seu funcionamento.
• Revisar e introducir novas esixencias relativas a información, dixitalización e accesibilidade.

Se estás interesado/a en realizar algún tipo de aportación, podes dirixila o CGATE a través do seguinte formulario antes do 15 de abril (inclusive) para poder transmitir en tempo e forma as respostas conxuntas o Ministerio para a Transición Ecolóxica e o Reto Demográfico.

Toda a información sobre esta consulta pública pódese encontrar aquí.