O Ministerio de Vivenda e Axenda Urbana, MIVAU, abre esta consulta pública que representa o primeiro paso no cumprimento da derradeira actualización da Directiva de eficiencia enerxética dos edificios, neste caso, para o seu artigo terceiro sobre a obrigación dos Estados Membro de presentar un primeero proxecto de Plan Nacional de Renovación de Edificios antes do 31 de decembro de 2025. Este documento, a nivel nacional, é a evolución das antigas Estratexias a longo prazo para a Rehabilitación Enerxética no sector da Edificación (ERESEE), aumentando a súa categoría lexislativa a Plan Nacional.
Transmite o MIVAU que este documento incluirá:
- visión xeral do parque inmobiliario nacional, das barreiras e deficiencias do mercado, das capacidades dos sectores da construción, eficiencia enerxética e enerxías renovables e da porcentaxe de fogares vulnerables,
- folla de ruta con obxectivos e indicadores de progreso, que inclúa a reducción do número de persoas afectadas pola pobreza enerxética, con vistas a alcanzar o objxtcivo de neutralidade climática a mais tardar en 2050,
- políticas e medidas postas en execución e previstas para a aplicación da folla de ruta,
- necesidades de inversión, fontes e medidas de financiación e recursos administrativos para súa implementación,
- umbrais para as emisións de gases de efecto invernadero operativas e a demanda anual de enerxía primaria dun edificio de cero emisións novo ou renovado,
- normas mínimas de eficiencia enerxética para edificios non residenciais,
- traxectoria nacional para a renovación do parque de edificios residenciais,
- estimación do aforro enerxético e outros beneficios.
Se estás interesado/a en realizar algunha aportación sobre este Plan, podes trasladala a través do correo electrónico gabinete@coatac.es, antes das 14:00 h do mércores 23 de abril.
Toda a información sobre esta consulta pública pódese consultar picando aquí.
