O domingo 12 de abril publicouse no BOE a Orde SND/340/2020, de 12 de abril, pola que se suspenden determinadas actividades relacionadas con obras de intervención en edificios existentes nas que exista risco de contaxio polo COVID-19 para persoas non relacionadas con devandita actividade.

https://www.boe.es/boe/dias/2020/04/12/pdfs/BOE-A-2020-4424.pdf

Esta Orde, dictada polo Ministerio de Sanidade, contén un único artigo polo que se establece a suspensión das obras relativas a intervencións en edificios existentes en determinados casos. Dispón o precepto o seguinte:

“Artigo único. Medidas excepcionais en materia de obras de intervención en edificios existentes.

1. Establécese a suspensión de toda clase de obra que supoña unha intervención en edificios existentes, nos supostos nos que no inmoble no que deban executarse áchense persoas non relacionadas coa actividade de execución da obra, e que, debido a súa ubicación permanente ou temporal, ou a necesidades de circulación, e por causa de residencia, traballo ou outras, poidan tener interferencia coa actividade de execución da obra, ou co movemento de traballadores ou traslado de materiais.

2. Exceptúanse desta suspensión as obras referidas no apartado anterior nas que, por circunstancias de sectorización do inmoble, non se produza interferencia algunha coas persoas non relacionadas coa actividade da obra.

3. Así mesmo, quedan tamén exceptuados os traballos e obras puntuais que se realicen nos inmobles coa finalidade de realizar reparacións urxentes de instalacións e averías, así como as tarefas de vixilancia.”

A suspensión de actividade desenvolvida neste tipo de obras ten efectos desde o propio domingo 12 de abril ata o remate da vixencia do estado de alarma e as súas posibles prórrogas, ou ata que existan circunstancias de saúde pública que xustifiquen unha nova orde modificando os términos da presente.