Global Geosystems, empresa de venda e alugueiro de aparellos topográficos, co que este Colexio ten subscrito un acordo de colaboración con importantes vantaxes para os nosos colexiados, organiza un taller gratuíto sobre Nubes de Puntos e Georeferenciación, que se celebrará o próximo 8 de novembro de forma exclusiva para os Colexios Oficiais de Arquitectura Técnica en Galicia.
Este evento terá lugar na aula formativa da oficina central de Global Geosystems en Santiago de Compostela (concretamente no polígono de Novo Milladoiro): https://maps.app.goo.gl/mmGRYezqLTj6Vk3ou9.
Profundarase no mundo das nubes de puntos, comprobando a sinxeleza do uso dun dos instrumentos máis demandados para a dixitalización 3D e a xeración de xemelgos dixitais: o láser scanner terrestre.
Ademais, explorarase a realización de levantamentos topográficos ou replanteos de maneira sinxela e eficiente utilizando un receptor GNSS. Este dispositivo proporciónanos datos xeorreferenciados de forma directa, totalmente compatibles con calquera software, facilitando así a súa integración en proxectos de enxeñería e arquitectura.
O evento será dividido en 2 partes: un taller de laser scanner, e outro orientado aos receptores GNSS e a xeorreferenciación. Os colexiados poderán asistir a ambos, ó individualmente a un deles, en función da súa dispoñibilidade.
Esta será a planificación horaria:
- 10:00: Taller práctico receptores GNSS e xeorreferenciación
- 11:00: Coffe Break
- 11:30: Taller práctico laser scanner e nubes de puntos
- 13:30: Finalización do evento
Esperamos que poida ser do voso interese, na seguinte ligazón poderedes inscribirvos de forma totalmente gratuíta picando aquí.
O día 25 de outubro pecharanse as inscricións e poñeranse en contacto cos prerexistrados para confirmar a asistencia ao evento.
Más información en documento adxunto.
